2004关西东之旅 (12)

2004关西东之旅 (12)
DAY 9   2004‧8‧23 (关东)
池袋 –> 成田 –>香港

终于来到2004的日本旅程最终回啦!
今天係旅程的最后一天,其实只有半天,因为要坐6点的班机(ANA的NH911)返屋企啦!

昨晚大家都可以训得好好,因为行程已完结,今天上午四小时就是让大家疯狂扫货既时间,而且我地亦可以罕有地成9点半先起身,WHY?因为大部分的店舖都係10点或10点半开门,咁早起身都冇用呀!

9点半一起身,快快梳洗及执拾行李,PACK好哂D野,就落去食早餐!唔记得同大家讲tim,我住的那些Toyoko Inn係有免费早餐(饭糰、面鼓汤、茶、咖啡)提供,而且又有100yen三分钟的国际展途电话,更有两部宽频电脑置于大堂供免费使用,我就係日日都用佢来check天气,找一些不足的资料,查最新情况及check mail,同sent sms比d friends及家人的好工具。都只不过係600蚊就可以住度一夜豪华双人房,有偏厅、玄关、地方超大,仲有按摩浴缸tim~~而我地当中有一个係电脑人,佢咁厉害到install左个icq、msn係度玩,又install左中文输入法,你真係吹佢唔涨呀!霸住部电脑~~真係有点儿让日本人又觉得我地d黄种人不守规举呀!

讲返今日先,10点半大家出发决战这个几天都冇认真行过既池袋啦!
有2位朋友因要买公仔就约埋去Sanrio;而我地trip既另1位团长就先去买电器再来Muji会合我地;咁我就约左2位女士一同出发去Muji,这间位于池袋地铁站东口Parco地下的Muji,楼高三层,我地一入去就由顶开始扫,(其实日本的Muji有一大部分货品係平过香港好多,大约係4折左右,尤其係佢d衫呀!)所以我买左几件T-shirt,一对价值70蚊既鞋,仲有好多”淋审”野,之后又买左d文具,仲有买左一包24枝价值7蚊港币的水笔(太平啦~~7蚊有24枝,变态ga~~),埋单就只不过係400蚊左右,抵!

之后我地就去左Toyku Hands,我一到就直去返昨日未睇既地方,而且仲买左一个细背包,这个背包係劲好用,分左好多个隔,而且善用力学原理,用尽背包所有空间,更厉害的是佢可以收埋我新买既两对鞋同多件t-shirt等,而且仲有d mp3、相机……虽然係好贵成500蚊一个30cm左右长的小背包。(其后回到澳门就一直比d friends话我似小学生去旅行,背一个劲细书包仔!)而且我仲买左一d,搅到个个friends都惊既 ” 号码牙膏”,当年好hit,好多杂誌都有卖,有32种口味,当中仲包括:咖喱味、可乐味、胡椒味等骑呢口味,有d friends仲讲到而家,话我送d酒店牙膏比佢,其实真係要用钱买,有好多人以号码买成生日日子来送比人,但我就进行了一个残酷方法,就係抽礼物,如果抽中了咖喱味or屎味就非常不好彩啦~~吓到个个都半死~~haha~~又买了好多得意小玩意,电话绳等送比人既!

剩下1小时半就集合,我地又去了一间和式精品店睇野,有位朋友已经要向我同另一团长借钱啦,因为佢已经买到冇哂钱,咁我地度过都认为应该唔会再大洗钱,之后就借比佢啰!(注意:係9出26归呀,绝对係池袋的新势力呀!haha讲笑)

最后就去左Bic Camera买野,借钱度日的friends买左一部相机tim~~不过就真係好平,只不过係千几港纸,仲有积分卡,佢仲急不及待係度试机tim!时间一秒一秒地迫近,在日本的时间已经不多了,已经要集合了!话咁快9日既自助游旅程就要过去,返到去又要开始返工返学啦!

2004关西东之旅 (12)

跟住我地拣左最平的方法由池袋返机场,就係京成特急快线1920yen,不过就难为了3位朋友,因为佢地买得最疯狂!虽然只係一喼,但就成4,5个袋,连我随行的斜狈袋、手提零食hand bag佢地几个都借左去用,而我只係一行李、一手提袋及那个劲细背包,haha~~于下午1时半由酒店整装后出发,到了机场都已经成4点左右,跟住有人要寄信,有人要退税,而我当然就係负责check in、寄行李啦!

入到禁区,我走左去d商店就逛逛,睇下有冇野arm,结果我买左套和服比阿妈,当然都买左男装和服比自己啦!之后去左小食铺度买左呢几日都有饮的日本独家coca-cola C2,佢个味我好锺意,因为气够、味唔甜,而且亦买了好多日本限定及夏季限定的零食~~haha~~

2004关西东之旅 (12)

可惜当时blog并没有出现,所以冇影相呀!如果唔係就好似隔离台(鸡丝汀娜果个台湾行)咁,引到你们流哂口水就唔好啦!我冇口水坚派ga!

—2004关西东之旅全部完结—

编:阿乃

2004关西东之旅 (12)
本 着作 係採用 创用 CC 姓名标示-非商业性-禁止改作 3.0 授权条款授权.

上一篇: 下一篇: